Iordaniya shahzodasi AQShda “tusau keser” marosimini o‘tkazdi

Iordaniya shahzodasi Zayd Raad al-Husayn AQShda qozoqlar milliy marosimi “tusau keser”ni o‘tkazdi, deb xabar berdi “Nur.kz”.

Qizning ota-onasi Aset va Janansay Onlasov AQShning Kolumbiya Universiteti magistrantlari bo‘lib, Qozoqistonning urf-odatlariga muvofiq ular “tusau keser” marosimini o‘tkazishga qaror qilgan va unga Zayd Raad al-Husaynni taklif etgan.

Iordaniya shahzodasi qizchadagi arqonni kesish istagini bildirgan.

Marosim barcha tartib qoidalarga rioya etilgan holda o‘tkazilgan. Bunda chimkentlik akademik Asma Kalibekovning kitobi yordam bergan.

Qayd etilishicha, u bo‘lib o‘tayotgan tadbirdan zavqlangan. Shuningdek, Asma Kalibekovning kitobiga katta qiziqish bildirgan va Qozog‘istonga borganda u bilan albatta uchrashishini aytgan.