Samarqand viloyatiga tashrif buyurayotgan sayyohlarning xavfsizligini ta’minlash va har qanday favqulodda vaziyatlarning oldinini olish maqsadida 1 dona Tracker, 1 dona Lacetti, 1 dona Nexia 3 avtomashinalari va 2 dona elektromobil ajratildi. Bu haqda “Daryo”ga viloyat IIB matbuot xizmati rahbari Shirin Normatova ma’lum qildi.
Ushbu avtomobillar Samarqand viloyati Ichki ishlar boshqarmasi Xavfsiz turizmni ta’minlash boshqarmasiga viloyat mahalliy budjet mablag‘lari hisobidan taqdim etilgan.
— Viloyatda turizm salohiyatini yuksaltirish, turizm obyektlari va infratuzilmasi hududida jamoat xavfsizligini ta’minlash faoliyatini moddiy-texnik mustahkamlash maqsadida yangi avtomobillar topshirildi, — deydi Shirin Normatova.
Izoh (0)