20-aprel, shanba kuni futbol bo‘yicha O‘zbekiston Superligasi 5-turining markaziy o‘yinida Mirjalol Qosimov qo‘l ostidagi Olmaliqning OKMK jamoasi o‘z maydonida Toshkentning “Bunyodkor” jamoasi bilan bahsga kirishadi. Uchrashuv Toshkent vaqti bilan soat 17:15 da boshlanadi.
Eslatib o‘tamiz, olmaliqliklar 4-turda Toshkentning boshqa bir klubi “Lokomotiv”ga yengilgan bo‘lsa (1:2), “Bunyodkor” klubi esa “Andijon”ni Jasur Jaloliddinovning kiritgan yagona goli evaziga mag‘lubiyatga uchratgandi (1:0).
Ma’lumot uchun, “qaldirg‘ochlar” 6 ochko to‘plagan holda 6-o‘rinda bormoqda. OKMK esa 4 ochko jamg‘arib, 11-pog‘onadan joy egallab turibdi.
Superliga
5-tur bahsi
20-aprel, shanba
OKMK—“Bunyodkor” 17:15
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)