Osiyo chempionati. Shunqor Abdurasulov ikkinchi jangida pokistonlik raqibini mag‘lub etdi

20-aprel, shanba kuni Tailandning Bangkok shahrida boks bo‘yicha Osiyo chempionati doirasida yana bitta jang bo‘lib o‘tdi.

-64 kg vazn toifasi vakili bo‘lgan Shunqor Abdurasulov musobaqadagi ikkinchi jangini pokistonlik Amir Ma’sudga qarshi o‘tkazdi.

Shunqor jangda katta ustunlikka ega bo‘ldi va raqibini mag‘lubiyatga uchratdi. Qayd etish joiz, Abdurasulov kecha o‘zining ilk jangida iroqlik raqibi Kadim al-Eziredan ustun kelgandi.