“Ayaks” Chempionlar Ligasida hech qaysi jamoa qila olmagan yana bir ishni qildi

Futbol bo‘yicha Yevropa Chempionlar Ligasi 1/4 finalining javob o‘yinida “Yuventus” o‘z maydonida “Ayaks”ga yutqazib (1:2, ilk uchrashuv — 1:1), musobaqani tark etdi.

Niderlandiyaliklar saralash bosqichida 3 ta bellashuv o‘tkazib, Yevropa Chempionlar Ligasining yarim finaligacha yetib kelgan birinchi jamoa bo‘ldi.

Ma’lumot uchun, “Ayaks” guruh bahslarigacha bo‘lgan saralash bosqichida “Shturm” (3:0, 3:1), “Standard” (2:2, 3:0) va Kiyevning “Dinamo” klublarini (3:1, 0:0) musobaqadan chiqarib yuborgandi.