Italiyada 12 yil mobaynida o‘zini nogiron qilib ko‘rsatib, Rim papasining qabuliga kirgan shaxs fosh bo‘ldi, deya xabar beradi “Sputnik”.
Ma’lumotlarga ko‘ra, yillar davomida 55 yoshli erkak davlat imtiyozlaridan foydalangan.
2007-yilda Florensiya shahridan bo‘lgan Roberto Gulyelmi qo‘shnilarning yordami bilan yo‘l-transport hodisasini sahnalashtirib, nogironlik guvohnomasini olgan. Bu yillar davomida erkak davlat imtiyozlarini olib, nogironlar uchun avtomobil to‘xtash joylarini egallagan va boshqa imtiyozlarga ega bo‘lgan.
Gulyelmi shifokorlarni tibbiy ekspertiza vaqtida aldash uchun og‘riqni qoldiradigan vosita qabul qildirib, mushak atrofiyasini hosil qilgan. Omma oldida u nogironlar aravachasida harakatlangan, uyda va faqat shahar tashqarisiga chiqqanida u o‘z oyoqlarida harakatlangan. Haqiqatni hatto uning yaqin do‘stlari va tanishlar ham bilmagan.
Roberto shu qadar berilib ketganidan, u mahalliy gazeta tomonidan o‘tkazilgan nogironlarni qo‘llab-quvvatlash kampaniyasida qatnashgan. U hammaga politsiyada xizmat qilgani va otishma paytida jiddiy jarohat olganini aytib bergan.
Gulyelmi xuddi shu “afsona”ni Rim papasiga yozgan xatida ham tasvirlab bergan, shundan so‘ng papa uni shaxsiy qabuliga chaqirgan.
Firibgar 9-aprel kuni Togodan uyga qaytayotganida huquq-tartibot organlarining e’tiboriga tushgan. Uning uyiga yashirin kamera o‘rnatilib, harakatlari fosh etilgan.
Izoh (0)