Chempionlar Ligasi yarim finalidan mosuvo bo‘lgan “Yuventus”ning aksiyalari narxi keskin pasayib ketdi

Yevropa Chempionlar Ligasining 1/4 finalida “Ayaks”ga mag‘lub bo‘lib (1:1, 1:2), musobaqa bilan xayrlashgan “Yuventus”ning aksiyalari narxi bir kechada sezilarli darajada pasayib ketdi.

Football Italia’ning xabar berishicha, 16-aprel kuni kechqurun Turin klubining bir dona aksiyasi 1,69 yevroga baholangandi. Ammo ertasi kuni tongda 1,30 yevroga tushib ketgan.

Bloomberg bergan ma’lumotga ko‘ra, ayni damda klubning aksiyalari qiymati sekin-asta tiklanmoqda va 1,41 yevroni tashkil etmoqda. Bu bir kun avvalgi narxdan 16 foiz kam hisoblanadi.