Buxoro davlat universiteti, Buxoro davlat tibbiyot va Toshkent davlat stomatologiya institutlarida xalqaro hamkorlik bo‘yicha prorektor lavozimi joriy etildi. Bu haqda Oliy va o‘rta maxsus ta’lim vazirligi ma’lum qildi.

Foto: Buxoro davlat universiteti

Oliy va o‘rta maxsus ta’lim vazirining tegishli buyrug‘i bilan BuxDU, BuxDTI va TDSI tuzilmasiga xalqaro hamkorlik bo‘yicha prorektor lavozimi kiritildi.

Xalqaro hamkorlik bo‘yicha prorektorlar faoliyati OTMlarda xalqaro hamkorlikni yanada rivojlantirish bo‘yicha xorijiy davlatlarning nufuzli oliy ta’lim muassasalari bilan hamkorlikni yanada kengaytirish va rivojlantirish maqsadida yo‘lga qo‘yiladi.