Nepalning Everest tog‘i yaqinidagi Tensing va Hillari aeroportida 14-aprel kuni kichik yo‘lovchi samolyoti halokatga uchradi, deb xabar bermoqda “Liga.Novosti”.
Hodisa oqibatida uch kishi halok bo‘ldi, to‘rt kishi shikastlandi. Summit Air aviakompaniyasi samolyoti Lukladan Katmanduga uchmoqchi bo‘lgan.
“Uni shiddatli shamol uchish-qo‘nish yo‘lagidan uchirib ketdi va u Manang Air kompaniyasining to‘xtab turgan vertolyotiga urilib ketdi”, — dedi mamlakat fuqarolik aviatsiyasi agentligi vakili Raj Kumar Chxetri.
Halok bo‘lganlar orasida samolyot uchuvchisi hamda vertolyotdagi ikki politsiyachi bor. Jarohatlanganlar Katmandu kasalxonasiga yetkazilgan. To‘rt yo‘lovchi va samolyot bort kuzatuvchisiga zarar yetmagan.
Izoh (0)