13-aprel, shanba kuni futbol bo‘yicha Italiya chempionatining 32-tur bahslari boshlanadi.
Krishtianu Ronaldu yetakchiligidagi Turinning “Yuventus” klubi SPAL maydoniga safar qiladi. Uchrashuv Toshkent vaqti bilan soat 18:00 da start oladi. Eslatib o‘tamiz, turinliklar Yevropa Chempionlar Ligasi chorak finalining dastlabki o‘yinida “Ayaks” bilan durang o‘ynagandi (1:1).
So‘nggi turda “Sampdoriya”ni kichik hisobda mag‘lub etgan (1:0) Rimning “Roma” klubi o‘z maydonida “Udineze”ni qabul qiladi. Bellashuv soat 21:00 da boshlanadi.
Turning markaziy o‘yini “San-Siro” stadionida bo‘lib o‘tadi. Unda Jennaro Gattuzo qo‘l ostidagi “Milan” jamoasi Simone Indzagi boshliq “Latsio” bilan bahsga kirishadi. Uchrashuv soat 23:30 da boshlanishi belgilangan. Ma’lumot uchun, milanliklar 52 ochko jamg‘argan holda musobaqa jadvalida 4-o‘rinda bormoqda. Rim klubi esa jadvalda 6-pog‘onadan joy olgan (51 ochko).
14-aprel, yakshanba kuni Yevropa Ligasi 1/4 finalining ilk o‘yinida “Arsenal”ga imkoniyatni boy bergan (0:2) “Napoli” mehmonda “Kyevo”ni sinovdan o‘tkazadi. Bellashuv soat 21:00 da boshlanadi.
Shu kuni Luchano Spalletti boshqaruvidagi Milanning “Inter” klubi “Frozinone” bilan o‘ynaydi. Bahsga soat 23:30 da start beriladi. Eslatib o‘tamiz, milanliklar 21-turda “Atalanta” bilan durang o‘ynagandi (0:0).
31-turdan so‘ng musobaqa jadvalidagi holat:
A Seriya
32-tur bahslari
13-aprel, shanba
SPAL—“Yuventus” 18:00
“Roma”—“Udineze” 21:00
“Milan”—“Latsio” 23:30
14-aprel, yakshanba“Torino”—“Kalyari” 15:30
“Sassuolo”—“Parma” 18:00
“Sampdoriya”—“Jenoa” 18:00
“Fiorentina”—“Bolonya” 18:00
“Kyevo”—“Napoli” 21:00
“Frozinone”—“Inter” 23:30
15-aprel, dushanba“Atalanta”—“Empoli” 23:30
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)