Boks. Hasanboy Do‘stmatov, Isroil Madrimov va Bahodir Jalolov Tailanddagi Osiyo chempionatida ishtirok etadi

Joriy yilning 17—27-aprel kunlari Tailandning Bangkok shahrida boks bo‘yicha navbatdagi Osiyo chempionati bo‘lib o‘tadi. Unda O‘zbekiston terma jamoasi ayollar va erkaklar o‘rtasida 10 ta vazn toifasi bo‘yicha medallar uchun kurash olib boradi. Bu haqda Boks federatsiyasi tomonidan tashkillashtirilgan matbuot anjumanida ma’lum qilindi, deb xabar beradi “Daryo” muxbiri.

Qayd etish joiz, mazkur Osiyo chempionatida professional boksda faoliyatini davom ettirayotgan uch nafar o‘zbekistonlik bokschi: Isroil Madrimov, Sanjar Tursunov va Bahodir Jalolov mamlakat terma jamoasi sharafini himoya qiladi.

Ma’lumot uchun, o‘zbekistonlik bokschilar 1995-yildan boshlab qit’a birinchiligida qatnashib keladi. Terma jamoa 2017-yilgi Osiyo chempionatida 10 ta vazning 9 tasida oltin medalga ega chiqib rekord o‘rnatgandi.

Mazkur musobaqaga O‘zbekiston delegatsiyasi quyidagi tarkibda yo‘l oladi:

Erkaklar:

1. Nodirjon Mirzahmedov (- 49 kg)
2. Hasanboy Do‘smatov (- 52 kg)
3. Mirazizbek Mirzahalilov (- 56 kg)
4. Shukurjon Rahimov (- 60 kg)
5. Shunqor Abdurasulov (- 64 kg)
6. Bobousmon Boturov (- 69 kg)
7. Isroil Madrimov (- 75 kg)
8. Dilshodbek Ro‘zmatov (- 81 kg)
9. Sanjar Tursunov (- 91 kg)
10. Bahodir Jalolov (+ 91 kg)

1. Fotima Tursunboyeva (- 48 kg)
2. Farangiz Hoshimova (- 51 kg)
3. Tursunoy Rahimova (- 54 kg)
4. Yodgoroy Mirzayeva (- 57 kg)
5. Rayxona Qodirova (- 60 kg)
6. Maftuna Meliyeva (- 64 kg)
7. Shahnoza Yunusova (- 69 kg)
8. Mavluda Mavlonova (- 75 kg)
9. E’zoza Meliyeva (- 81 kg).