Aksioner innovatsion tijorat “Ipak Yo‘li” banki BankExpo – 2019 milliy ko‘rgazmasining eng faol ishtirokchilaridan biri bo‘ldi va bir qator innovatsion bank mahsuloti va xizmatlarini taqdim qildi.
Stend mehmonlarning e’tiborini o‘ziga qaratdi, negaki, bank xizmatlari stendning o‘zida taqdim etildi, shu bilan birga, noyob aksiyalar o‘tkazildi.
“Biz naqd pul yechadigan, kartaning hisobini to‘ldiradigan hamda dollarni so‘mga konvertatsiyalaydigan bankomat o‘rnatdik, – deydi AIT “Ipak Yo‘li” banki chakana biznes departamenti boshlig‘i Ulug‘bek Tavakkalov. – Shu bilan birga, xalqaro Visa kartalarining 30 daqiqa davomida berilishini yo‘lga qo‘ydik. Shu yerning o‘zida kredit eksperti o‘tirib, arizalar qabul qilmoqda va barcha hujjatlar taqdim etilgan taqdirda 2 soat ichida kredit bermoqda. Yana biz mehmonlarimizni yangi mobil ilovaga ulab, ularga sovg‘a va sovrinlar topshiryapmiz”.
“Ipak Yo‘li Mobile” mobil ilovasi odatiy bank xizmatlarini raqamli makonga o‘tkazadi. Mijozlarning smartfonlari ushbu olamga kalit vazifasini bajaradi.
BankExpo – 2019 ko‘rgazmasida taqdim qilingan so‘nggi yangilanish –mobil ilovada chiqariladigan “Virtual karta” mahsuloti. Virtual karta yordamida bank mijozlari 3D-Secure texnologiyasi yordamida himoyalangan rejimda internet xaridlarini amalga oshirishlari mumkin. Shu bilan birga, yaqin orada bir mijozning virtual kartasidan boshqa xalqaro to‘lov tizimlaridagi kartalariga mablag‘ o‘tkazish imkoniyati yaratiladi.
Keyingi haftada bank yana bir mahsulot – “Zolotaya korona” pul o‘tkazmalarini hisobga tushirishni yo‘lga qo‘yish niyatida. Pul o‘tkazmasini qabul qiluvchi mijoz bankka kelmasdan, mablag‘ni kartasining hisobiga tushirishi mumkin.
Reklama huquqi asosida
Izoh (0)