Amnesty International korrupsiyada ayblanib qamoqda saqlanayotgan O‘zbekiston sobiq Bosh prokurori Rashidjon Qodirovning sud ishida ochiqlikka va sudlarda mustaqil ekspertlar hamda xalqaro kuzatuvchilar ishtirokini ta’minlashga chaqirdi. Bu haqda Amnesty International’ning 8-aprel kuni O‘zbekiston Prezidenti Shavkat Mirziyoyevga yo‘llangan maktubida yozilgan, deb xabar beradi “Gazeta.uz”.
Maktubda xalqaro tashkilot Shavkat Mirziyoyevni Rashidjon Qodirov va u bilan birga tergov qilinayotgan 12 nafar shaxsni qiynoqlarga solib, g‘ayriinsoniy munosabatdan himoya qilishni ta’minlash hamda zarur bo‘lgan malakali tibbiy yordam olishiga imkoniyat yaratib berishni so‘ragan. Tashkilot sobiq bosh prokuror qiynoqlarga solingan bo‘lishi ehtimolidan tashvishdaligini bildirib o‘tgan.
Ma’lumot uchun, Rashidjon Qodirov 23-fevral kuni qo‘lga olingan edi. Keyinroq uning o‘g‘li qidiruvga berilgani ma’lum qilindi. May oyi oxirida esa Rashidjon Qodirov qon bosimidan aziyat chekib, mahbuslar shifoxonasiga yotqizilgani ma’lum bo‘ldi.
Izoh (0)