Bir hafta davomida onlayn auksion orqali 500 dan ziyod avtomobil raqamlari sotildi
1−7-aprelga qadar bo‘lgan davr mobaynida onlayn auksion orqali 536 ta avtomobil raqamlari sotildi. Bu haqda Spot xabar berdi.
Sotilgan davlat raqam belgilarining umumiy summasi 2,1 milliard so‘mdan ortiqni tashkil qilgan.
Raqobatli savdolar natijasida bitimlarning qariyb 22% birinchi toifadagi avtoraqamlarga, 49% ikkinchi va 29% uchinchi toifa avtoraqamlarga tegishli.
Xaridorlar tarkibida yetakchilikni Toshkent shahri va Toshkent viloyati avtohavaskorlari egallagan va ularning tuzilgan bitimlar sonidagi ulushi 20% ga teng. Ikkinchi o‘rinda Samarqand viloyatining avtohavaskorlari 14% ulush bilan joylashgan.
Keyingi o‘rin Namangan va Xorazm viloyatlarining avtohavaskorlariga tegishli bo‘lib, har birining ulushi 12% ni tashkil qilgan. Qolgan hududlarning ulushi 42% ga teng.
