“Uotford” 35 yil ichida ilk bor Angliya Kubogi finaliga chiqdi, endi jamoa g‘oliblik uchun “Man Siti” bilan o‘ynaydi

7-aprel, yakshanba kuni futbol bo‘yicha Angliya Kubogi 1/2 finalining ikkinchi juftlik bahsida “Uotford” “Vulverhempton”ni mag‘lubiyatga uchratdi (3:2).

Uchrashuvda “bo‘rilar” a’zolari Mett Doerti (36) va Raul Himenes (62) jamoasini hisobda oldinga olib chiqqan bo‘lsa, 79-daqiqada Jerar Deulofeu mehmon jamoa darvozasini ishg‘ol qildi (79). O‘yinning so‘nggi daqiqalarida “Uotford” hujumchisi Troy Dini penaltidan gol urib, hisobni tenglashtirdi (2:2).

Qo‘shimcha bo‘limning 104-daqiqasida Jerar Deulofeu dublga erishdi va jamoasini finalga olib chiqdi (3:2).

Natijada “Uotford” o‘zining tarixida ikkinchi bor Angliya Kubogining final yo‘llanmasini qo‘lga kiritdi. Klub ilk bor 1984-yilda finalga chiqqandi. O‘shanda jamoa “Everton”ga mag‘lub bo‘lgandi.