Qo‘shko‘pir tumanidagi G‘azovot qishlog‘idagi “Sherobod” mahallasida yashovchi Azizbobo Umarov va Dilbarjon Ro‘zmetovalar xonadonida uch egizak tug‘ildi. Bu haqda Zed News kanali xabar berdi.
Chaqaloqlarga Shavkatjon, Mirziyo, Miromon deb ism qo‘yilgan. Qo‘shko‘pir tuman hokimi chaqaloqlarga uchta kolyaska sovg‘a qilgan.
Avvalroq Shofirkon tumanida uch egizak tug‘ilgan, ularga Shavkat, Miromon, Mirziyo deb ism qo‘yilgan edi. Ushbu egizaklarning onasiga “Farzandnoma” kitobi, Shavkat Mirziyoevning Buxoroga tashrifidan so‘ng esa Cobalt avtomobili topshirilgan.
Undan avval esa Toshkent va Qo‘qon shaharlarida tug‘ilgan Shavkat, Miromon, Mirziyo ismli egizaklarning otasiga Cobalt, Paxtaobod va Chiroqchi tumanlarida tug‘ilgan egizaklarning otasiga Spark mashinalari sovg‘a qilingan.
Izoh (0)