Ozarbayjonda bo‘lib o‘tgan “Buyuk ipak yo‘li” musobaqasi oltin medali sohibi o‘zbekistonlik bokschi Iqboljon Xoldorov mazkur musobaqa haqida o‘z fikrlarini bildirib o‘tdi.
Musobaqa davomida to‘rtta jang o‘tkazdim. Raqiblarim o‘ziga yarasha kuchli raqiblar edi. To‘g‘risi, bunday kuchli bokschilarga qarshi jang qilaman deb o‘ylamagandim. Vazn toifamni o‘zgartirganman. Bu yangi vazndagi dastlabki musobaqam edi. Shukr, barchasi o‘ylaganimdek bo‘ldi. Nasib qilsa, oldinda turgan katta-katta musobaqalarda ham yurtimizga oltin medal bilan qaytishga harakat qilaman. Musobaqadagi eng kuchli raqibim sifatida qozog‘istonlik va rossiyalik bokschilarni ko‘rsatgan bo‘lardim.Avvalroq terma a’zosi, bokschi Hasanboy Do‘smatov mazkur musobaqadan olgan taassurotlari va Osiyo chempionatiga tayyorgarlik jarayoni bilan o‘rtoqlashgandi.Eski vaznga qaytish haqida oldindan biror gap ayta olmayman. Barchasini vaqt ko‘rsatadi. Ammo hozirda -69 kg vazn toifasida o‘zimni yaxshi his qilyapman.
Iqboljon Xoldorov, boks bo‘yicha O‘zbekiston terma jamoasi a’zosi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!