Joriy yilning kuz oyida “Miss Olmaota” go‘zallik tanlovining turli yillardagi g‘oliblari o‘rtasida o‘zaro bellashuv o‘tkaziladi. Bu haqda “Zakon.kz” xabar berdi.
Xabarda aytilishicha, olmaotalik qizlar Qozog‘istonda eng chiroyli hisoblanadi. Qolaversa, “Dunyo go‘zali” tanlovida g‘olib bo‘lgan yagona qozog‘istonlik qiz ham olmaotalik bo‘lgan.
“Miss Olmaota” tanlovi tashkilotchilari turli yillar davomida tanlovda g‘olib bo‘lgan qizlar orasidan eng chiroyli va eng qobiliyatlisini tanlab olishga qaror qilgan.
“Sentabr oyida “Miss Olmaota” tanlovining grand-finalini o‘tkazishni rejalashtiryapmiz. Biz turli yillar davomida Miss unvoniga sazovor bo‘lgan barcha qizlarni taklif etamiz va katta sahnada bu loyihani amalga oshiramiz. Dunyoning hali hech bir davlatida bunday tanlov o‘tkazilmagan”, — deydi “Miss Olmaota” go‘zallik tanlovining bosh direktori Sovet Seitov.
Hozirda missis bo‘lgan “Miss Olmaota” tanlovining dastlabki g‘oliblari orasidan tashkilotchilar miss unvoniga loyiq bo‘lgan turmushga chiqmagan va farzandlari bo‘lmagan qizlarni loyihaga taklif qiladi.
Sovet Seitovning so‘zlariga ko‘ra, bunga asosan, so‘nggi besh yil davomida tanlovda g‘olib bo‘lgan qizlar mos keladi.
Izoh (0)