Endi tadbirkorlar banklardagi hisobvaraqlar operatsiyasini yurgazish uchun pochta puli to‘lamaydi va sudgacha bormaydi

Soliq to‘lovchi qayd etilgan manzilda bo‘lmasa, shuningdek soliq va moliyaviy hisobotlarni vaqtida topshirmasa, soliq xizmati organlari banklardagi hisobvaraqlar bo‘yicha operatsiyalarni to‘xtatib qo‘yadi. Bu haqda Adliya vazirligi tomonidan o‘tkazilgan brifingdan keltirilgan ma’lumotlarga asoslanib “Daryo” muxbiri ma’lum qildi.

“Banklardagi hisobvaraqlar bo‘yicha operatsiyalarni to‘xtatib turish vakolati Soliq organlariga berilishi tadbirkorni ortiqcha vaqt sarflash va ortiqcha chiqimlardan xalos etmoqda. Ilgari tadbirkor huquqbuzarlikni sodir etsa, da’vo arizasi kiritilgan va sud tartibida choralar ko‘rilgan. Bu tadbirkorning ovoragarchiligiga va pochta xarajatlarini qoplashga olib kelgan” — deydi Davlat soliq qo‘mitasi davlat soliq bosh inspektori Ubaydulla Nuriddinov

Brifingda ta’kidlanishicha, davlat organlariga tadbirkorlardan hujjatlarni muhr bilan tasdiqlash yoki hujjatlarga muhr bosish talabi bekor qiligan.