Toshkent shahridagi plastmassa buyumlari ishlab chiqaruvchi korxonada ko‘ngilsiz hodisa yuz berdi. Ish jarayonida ishchilardan birini stanok “yutib yuborgan”. Bu haqda “Sevimli” telekanalining “Zamon” information dasturida ma’lum qilindi.

Foto: Kadr/ YouTube

1994-yilda tug‘ilgan fuqaro plastmassa maydalovchi uskuna ichiga kirib ketgan. Toshkent shahar favqulodda vaziyatlar boshqarmasi qutqaruv otryadi tomonidan fuqaro maxsus asbob-anjomlar yordamida qutqarib olingan.

Hodisa oqibatida fuqaroning oyog‘i singan. U hozirda shifoxonaga yotqizilgan.