25-mart kuni Qiziriq tuman davlat xizmatlari markazi uchun yangi bino qurib foydalanishga topshirildi. Bu haqda “Daryo”ga Davlat xizmatlari agentligi ma’lum qildi.
Ikki qavatli markaz binosida tuman notariusi, FHDYo bo‘limi va xalq qabulxonasi joylashadi. Bino mahalliy budjet hisobidan qurilib, jihozlangan. Markazda yosh bolali onalar uchun xona, investorlar uchun maxsus xona, tibbiyot xonasi hamda bank kassalari bor.
Xabarda aytilishicha, markazda davlat xizmatlari elektron navbat orqali tadim etiladi. Davlat xizmatlari markazida yuqori tezlikdagi Wi-Fi zonasi tashkil etilgan.
Qiziriq tuman Davlat xizmatlari markazi yangi binoga ko‘chgunga qadar bir kunda 70—80 odamga davlat xizmati ko‘rsatgan bo‘lsa, yangi bino ochilish kunining o‘zida ikki soat ichidan 65 nafar fuqarolarga davlat xizmatlari ko‘rsatdi.
Izoh (0)