23-mart, shanba kuni Yevro—2020 saralash bosqichining dastlabki turida Gruziya terma jamoasi yarim himoyachisi Jano Ananidze Shveysariyaga qarshi o‘yinda qahramonlik ko‘rsatdi (0:2).
Uchrashuvning 1-bo‘limida shveysariyalik himoyachi Fabian Sher Jamol Tabidze bilan to‘qnashib ketishi natijasida tili orqaga ketib qoldi. Unga hammadan yaqin bo‘lgan Jano Ananidze birinchi tez tibbiy yordamni ko‘rsatdi.
Ananidze hushini yo‘qotgan Sherning tilini ushlab qolishga muvaffaq bo‘ldi, keyinchalik shifokorlar voqea joyiga yetib keldi.
“Bu yaxshi ko‘rinish emas edi. Hech narsani eslay olmayman. Bir necha soniyaga hushimni yo‘qotdim.
Yanog‘im judayam og‘riyapti, bo‘ynimda noqulaylik sezyapman. Peshonamda shishish bor. Lekin bu shunga arziydi”, — deydi Sher o‘yin yakunlangandan so‘ng.
Shveysariyalik bilan to‘qnashgan Tabidzega esa miya chayqalishi tashxisi qo‘yildi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)