IShID terrorchilari Suriya ustidan nazoratni yo‘qotgan taqdirda, Yevropa hududida teraktlar uyushtirishni oldindan rejalashtirib qo‘ygan. Bu haqda The Sunday Times Suriyaning jangarilardan ozod qilingan hududidan topilgan qattiq disk ma’lumotlariga tayanib xabar berdi, deb yozadi “Gazeta.ru”.
Bir kun avval esa AQSh prezidenti Donald Tramp Suriya va Iroq hududining 100 foizi IShIDdan ozod etilganini tasdiqladi. Topilgan hujjatlar terrorchilarning Yaqin Sharqdagi o‘z nazoratlari ostidagi hududlarni yo‘qotgach, Yevropaga zarba berish rejalaridan darak beradi.
Olingan ma’lumotlarga ko‘ra, terrorchilar allaqachon Yevropada bo‘lgan va odamlarni o‘g‘irlab, xudkushlar hujumlarini uyushtirishi kerak bo‘lgan jangarilarni qurollantirish va moliyalashtirish niyatida. Fayllar terrorchilarning maxfiy yacheykalarini yaratish, yangi tarafdorlarni jalb qilish, xudkushlarni tayyorlash, transport, qurol va portlovchi qurilmalarni qidirish jarayonlarini tavsiflab beradi.
The Sunday Times mualliflari qayd etishicha, diskdan olingan ma’lumotlarning haqiqiyligiga shubha yo‘q, chunki hujjatlarda yuzlab haqiqiy ismlar, ko‘plab to‘qnashuvlar haqida ma’lumotlar, moliyaviy hisobotlar bor.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)