Afrika boks konfederatsiyasi (AFBC) rahbari Muhammad Mustasan Xalqaro boks assotsiatsiyasi (AIBA) prezidenti lavozimiga tayinlandi. Bu haqda “TASS” xabar berdi.
22-mart, juma kuni o‘zbekistonlik G‘ofur Rahimov AIBA prezidentligidan voz kechishini ma’lum qilgandi.
23-mart kuni esa AIBA Ijroqo‘mining telekonferensiya orqali navbatdan tashqari yig‘ilishi o‘tkazildi va unda Mustasan tashkilotga vaqtincha prezident vazifasini bajaruvchi etib saylandi.
Eslatib o‘tamiz, G‘ofur Rahimov 2018-yilning 3-noyabrida Moskvada bo‘lib o‘tgan AIBA kongressida tashkilotning to‘laqonli prezidenti etib saylangandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)