“Sevgi iztirobi” serialidagi Amir obrazi bilan o‘zbek tomoshabinlariga yaxshi tanish turkiyalik aktyor Kaan Urganji o‘g‘li Toshkentga tashrif buyurgani haqida xabar berilgan edi.
“Baron 2” filmi rejissori Rustam Sa’diyevning ma’lum qilishicha, Kaan filmning O‘zbekistondagi o‘zi bilan bog‘liq sahnalari suratga olinib bo‘lguniga qadar Toshkentda bo‘ladi.
Turkiyalik aktyor Toshkent shahridagi bir nechta diqqatga sazovor joylar, jumladan Temuriylar tarixi davlat muzeyi, Amir Temur xiyobonida bo‘ldi. Aktyor Navro‘z sayllari o‘tkazilayotgan maydonda ham bo‘lib, ushbu bayramni nishonlash jarayoni bilan tanishdi.
https://www.instagram.com/p/BvSbAomBHkk/
Kaan “Sevgi iztirobi”da o‘zini o‘zbek tilida gapirtirgan aktyor Alisher Uzoqov bilan uchrashdi hamda yaqindan tanishdi. Alisher Uzoqov Instagram’dagi sahifasida bu uchrashuv haqida “Men dunyodagi eng baxtli aktyorman”, deb yozdi.
https://www.instagram.com/p/BvUnVwwhtgk/