Joriy yilning 28—30-mart kunlari poytaxtdagi “Yoshlar ijod saroyi”da, 27-mart kuni Andijon shahri hamda 1-aprel kuni Samarqand shaharlarida “Ta’lim va mutaxassislik” XX xalqaro ko‘rgazmasi bo‘lib o‘tadi. Bu haqda mazkur ko‘rgazma ko‘makchisi O‘zbekiston Savdo-sanoat palatasining Axborot xizmati xabar bermoqda.
“Respublika aholisini, birinchi navbatda, yoshlarni oliy o‘quv yurtlari hamda oliy ma’lumotga ega bo‘lish imkoniyatlari, kasbga yo‘naltirish va ish bilan ta’minlash masalalari tadbirning asosiy maqsadlaridan biridir”, deyiladi xabarda.
Ikki qismdan iborat ko‘rgazmaning birinchi — “Ta’lim” yo‘nalishidan O‘zbekiston hamda xorijiy oliy o‘quv yurtlari va ta’lim muassasalari, til o‘rgatish kurslari hamda ijodiy markazlar haqida ma’lumotlar o‘rin olgan.
“Mutaxassislik” yo‘nalishida esa respublikadagi mavjud bandlik markazlari, ishga qabul qilish agentliklari O‘zbekiston mehnat bozoridagi bo‘sh ish o‘rinlari to‘g‘risida ma’lumotlarni namoyish etishadi.
Izoh (0)