Joriy yilning 22—26-mart kunlari futbol bo‘yicha U-23 Osiyo chempionati saralashidan o‘rin olgan uchrashuvlar bo‘lib o‘tadi.
Avvalroq o‘zbekistonlik bir qator hakamlar mazkur o‘yinlarni boshqarib borish uchun taklif olgani haqida xabar berilgandi.
Jumladan, Sherzod Qosimov va Alisher Usmonov Vyetnamda bo‘lib o‘tadigan saralash bahslariga hakamlik qiladi. Ular Tailand va Indoneziya uchrashuvini boshqarib boradi.
Sherzod Qosimov o‘yinda bosh hakam, Alisher Usmonov esa laynsmen sifatida ishlaydi. Yana bir qanotda qirg‘izistonlik Zamirbek Chinnibekov faoliyat olib boradi. Qatarlik Saud Ali Al-Adba esa to‘rtinchi hakam vazifasini bajaradi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)