O‘zbekiston Kinoarboblari ijodiy uyushmasi tomonidan o‘tkazilayotgan “Oltin humo” milliy kinotaqdimotining saralash bosqichi yakuniga yetdi.
Jurnalist Feruz Muhammad sarlash bosqichi qanday o‘tganligi haqida saralash komissiyasi a’zosi, kinorejissor Ayub Shahobiddinovning fikrlari bilan qiziqdi.
Rejissor “Oltin humo” milliy kinotaqdimotining saralash bosqichi, taqdimotda qatnashmasligi sababi va “Rangsiz tushlar” deb nomlangan filmi haqida gapirib berdi.
Saralash bosqichida turli-tuman filmlar bor. Taqdimot aynan shu jihati bilan ham qiziq bo‘lsa kerak deb o‘ylayman. Saralash bosqichining vazifasi taqdimotda belgilangan 16 nominatsiya bo‘yicha, beshtadan nomzodni tanlab, keyingi bosqichga taqdim qilishdan iborat. Ushbu taqdimotning ahamiyatli jihatlaridan yana biri, hujjatli va animatsion filmlar ham taqdimotda ishtirok etmoqda. Hujjatli va animatsion filmlarga boshqa taqdimotlarda ko‘pincha urg‘u berilmas edi. Qolaversa, hujjatli va animatsion filmlar ijodkorlari boshqa nominatsiyalar bo‘yicha ham g‘oliblikka davogar bo‘lishi mumkin.Tashkiliy qo‘mita a’zolari ‘Oltin humo’ milliy kino taqdimotini katta kino bayram bo‘lishi uchun tinimsiz mehnat qilishmoqda.
‘Oltin humo’ milliy kinotaqdimotida o‘zim ishtirok etmayapman. Buning birinchi sababi, filmlari taqdimotga qo‘yilgan ijodkorlar saralash komissiyasida ekspert sifatida ishtirok etishmaydi. Bundan tashqari so‘nggi to‘rt yilda to‘liq metrajli badiiy film suratga olmadim. Yaqin kunlarda ‘O‘zbekkino’ MA ssenariy topshirdik. ‘Rangsiz tushlar’ deb nomlangan mazkur film bir ayolning realizibatsiyasi haqida bo‘lib, ancha yillar avval jinoyatga qo‘l urib, 17 yil deganda o‘z uyiga qaytib, ma’lum bir ziddiyatlarga duch kelishi, oilasi bilan bo‘lgan munosabatlar, ichki tozalikka, soflikka intilishi haqida.
Ayub Shahobiddinov, O‘zbekistonda xizmat ko‘rsatgan madaniyat xodimi, rejissor
Izoh (0)