AQShning Texas shtatida yashovchi ayol 9 daqiqada 6 nafar chaqaloqni dunyoga keltirdi. Bu haqda ular tug‘ilgan Texas ayollar klinikasining Facebook’dagi sahifasida ma’lum qilindi.

Foto: Texas ayollar klinikasi

Ikki qiz va to‘rt o‘g‘ilning vazni 800—1300 grammni tashkil etmoqda. Ularning onasi Telma Chiaka o‘zini yaxshi his etmoqda.

U qizlari uchun ism tanlashga ham ulgurdi: Zina va Zuriel. O‘g‘illarga hali bu borada navbat kelmadi.

Texas tug‘ruqxonasi xodimlari 6 nafar egizakning dunyoga kelish ehtimoli 4,7 milliardga birni tashkil etishini eslatib o‘tdi.