Tojikistonning Istaravshan shahrida yashovchi 23-yoshli Tolib Ashurqulov 11-sinf o‘quvchisi bo‘lgan singlisini katta erkaklar bilan yurib, “oilasini sharmanda qilgan” deb hisoblagani uchun boshini kesib tashlagan, deya xabar beradi “ForumDaily”.

Foto: Youtube

Yigitga qattiq rejimli koloniyada jazo o‘tash uchun 18 yil tayinlangan. Ushbu jinoyat 2018-yilning noyabr oyi oxirida sodir bo‘lgan. Ashurqulov Tojikiston republikasi Jinoyat kodeksining 104-moddasi 2-qismi bilan aybdor deb topilgan.

Istaravshan shahrining 42-umumta’lim maktabi 11-sinf o‘quvchisi, balog‘atga yetmagan Orzugul 27-oktabr kuni uyidan chiqib, kechqurun uyga qaytmagan. Qarindoshlari barcha qo‘shnilarini va tanishlarini oyoqqa turg‘azgan, militsiyaga murojaat qilgan. Biroq, qizni qidirish natija bermagan.

Bir yarim oy o‘tgach, maktab o‘quvchisining jasadi topilgan. Tergovda aniqlanishicha, qiz “yo‘qolishi”dan bir necha soat oldin uyiga qaytayotgan bo‘lgan. Katta akasi uni ko‘chada uchratib, singlisini oila yuzini yerga qaratishda ayblagan. Shundan so‘ng, qiz omborxonaga yugurib, o‘zini osib qo‘yish bilan akasiga tahdid qilgan. Ammo akaning o‘zi uni piyozning sintetik qopi bilan bo‘g‘ib, keyin boshini o‘roq bilan kesib tashlagan.

Qizning 50 yoshli otasi Bahodir Ashurqulov o‘g‘liga jinoyat izlarini yashirishga yordam bergan. O‘g‘li bilan birgalikda, qizning jasadini mashinaga ortib, eski suvsiz kanalgan yashirgan.

11-dekabr kuni Ashurqulovning qo‘shnisi qizning ajralgan jasadini topgan va militsiyaga xabar bergan. 17-dekabr kuni huquqni muhofaza qilish organlari xodimlari jinoyat sodir etishda gumon qilingan akani qo‘lga olgan.