Ozarbayjon poytaxti Boku shahrida sport gimnastikasi bo‘yicha jahon kuboning navbatdagi bosqichi o‘z yakuniga yetib bormoqda, deb xabar beradi MOQ.

Foto: MOQ

16-mart, shanba kuni ayollar o‘rtasida tayanib sakrash bo‘yicha final bosqichi bo‘lib o‘tdi.

Eng kuchli 8 nafar sportchi orasida bahs olib borgan o‘zbekistonlik Oksana Chusovitina 14,450 ball bilan ikkinchi o‘rinni qo‘lga kiritdi.

Finalchilar orasida faqatgina amerikalik Jeyd Keri Chusovitinaning natijasini yaxshilay oldi, xolos. Shu tariqa Chusovitina musobaqaning kumush medalini qo‘lga kiritdi. Shohsupaning uchinchi pog‘onasidan meksikalik Aleksa Moreno joy oldi.

Sport gimnastikasi. Jahon kubogi.

Ayollar, tayanib sakrash

1. Jeyd Keri (AQSh) – 14,766

2. Oksana Chusovitina (O‘zbekiston) – 14,450

3. Aleksa Moreno (Meksika) – 14,249

Chusovitina 20—23-mart kunlari Dohada bo‘lib o‘tadigan jahon kubogining navbatdagi bosqichiga yo‘l oladi. Yangi reglamentga ko‘ra, aynan ushbu musobaqalar Tokio—2020 Olimpaidasi uchun saralash bosqichlari vazifasini o‘tab beradi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!