Shiddatli ish sur’atiga bardosh berish va doimiy ravishda yaxshi ko‘rinishda bo‘lish uchun prezidentlar sport bilan shug‘ullanishi kerak. Kaktakto nashri prezidentlar sport uslubida qanday ko‘rinishi va qaytarzda o‘zlarini yaxshi formada saqlashiga e’tibor berdi.
Gurbanguli Berdimuhamedov
Turkmaniston rahbari sport avtomobillarining ishqibozi va o‘zining misolida hukumatni sog‘lom turmush tarzini yuritishga undaydi.
Sooronbay Jeenbekov
Yoshligida Qirg‘iziston prezidenti voleybolga, shuningdek milliy sport turlari — Kok Boru va Alaman Bayge o‘yinlariga qiziqqan.
Shavkat Mirziyoyev
Kaktakto’ning yozishicha O‘zbekiston Prezidentining qanday sport turi bilan shug‘ullanishi noma’lum. Ammo Turkmaniston prezidenti bilan Avazadagi suratlariga e’tibor beriladigan bo‘lsa, Shavkat Mirziyoyev velosipedda o‘zini juda yaxshi tutadi.
Nursulton Nazarboyev
Markaziy Osiyoning eng yoshi katta prezidenti sportga ishqiboz prezidentlardan biri sanaladi. Yoz vaqtlarida Nursulton Abishevich katta tennis va golf o‘ynaydi, qishda esa tog‘ chang‘isi bilan shug‘ullanadi.
Emomali Rahmon
Tojikiston prezidenti u qadar ham sportga qiziqmaydi. U haqda faqat futbol va sayrni yaxshi ko‘rishi ma’lum.
Vladimir Putin
Rossiya Prezidenti sportning bir nechta turlari bilan shug‘ullanadi: dzyudo, karate, xokkey, poyga, dayving, suzish, ot sporti.
Aleksandr Lukashenko
Belarus prezidenti qishki sport turlarini — shayba va chang‘ili xokkeyni yaxshi ko‘radi.
Donald Tramp
Maktab davrida AQSh prezidenti New York Military Academy jamaosi bilan beysbol, futbol va sokker o‘ynagan. Hozirda esa golf bilan shug‘ullanadi .
Angela Merkel
Germaniya kansleri futbolni yaxshi ko‘radi, ammo uni o‘zi o‘ynash yoki o‘ynamasligi noma’lum. Ammo barcha futbol o‘yinlarini bajonidil ko‘radi.
Izoh (0)