Toshkent yo‘lovchi vagonlarini qurish va ta’mirlash zavodi nogironlar uchun mo‘ljallangan yangi vagonlarni ishlab chiqarishni yo‘lga qo‘ydi. Bu haqda “O‘zbekiston temir yo‘llari” matbuot xizmati xabar berdi.
Bu 61-931 rusumdagi nogironlar uchun maxsus kupeli shtab vagoni bo‘lib, u mijozlar talab va istaklariga ko‘ra zavod muhandis-konstruktorlari tomonidan loyihalashtirilgan.
Mutaxassislar vagonda nogironlar uchun qulaylik yaratish maqsadida vagon va kupening kirish qismi, yo‘laklarni kengaytirgan, nogironlik aravachasini olib chiqish uchun maxsus ko‘taruvchi moslama o‘rnatgan.
Xabarda aytilishicha, yangi ishlab chiqarilayotgan vagonning 60 foiz butlovchi qismlari mahalliylashtirish dasturi bo‘yicha korxonaning o‘zida tayyorlanmoqda. Xususan, isitish va sovitish tizimlari, elektr boshqaruv pulti, yuqori va past kuchlanish maxsus elektr moslamasi, telejkalar.
Zavod shu kunlarda nogironlar uchun maxsus vagonlarni ko‘rgazmasini Qozog‘istonda o‘tkazishni rejalashtirmoqda. Shuningdek, xalqaro yo‘nalishlardagi poyezdlarida ham shu kabi jahon standartiga mos vagonlarni joriy etish ko‘zda tutilgan.
Izoh (0)