15-mart, juma kuni futbol bo‘yicha Italiya chempionatining 28-tur bahslariga start berildi.
Mazkur turni “Kalyari”—“Fiorentina” qarama-qarshiligi boshlab berdi. Unda mezbon “Kalyari” 2:1 hisobida g‘alaba qozondi.
16-mart, shanba kuni Klaudio Ranyeri qo‘l ostidagi Rimning “Roma” klubi safarda SPALga qarshi maydonga tushadi. O‘yin soat 22:00 da boshlanishi belgilangan.
17-mart, yakshanba kuni Yevropa Chempionlar Ligasida Krishtianu Ronalduning het-triki evaziga 1/4 finalga chiqqan “Yuventus” jamoasi mehmonda “Jenoa”ni sinovdan o‘tkazadi. Bellashuv 16:30 da start oladi.
Shu kuni musobaqa jadvalida ikkinchi o‘rinda borayotgan Karlo Anchelotti boshqaruvidagi “Napoli” klubi o‘z maydonida “Udineze” bilan bahsga kirishadi. Uchrashuv soat 22:00 da boshlanadi.
Turning markaziy o‘yinida Milanning ikki klubi “Milan” hamda “Inter” jamoalari o‘zaro to‘qnash keladi. Bahsga tungi soat 00:30 da start beriladi.
Eslatib o‘tamiz, “Milan” klubi 51 ochko to‘plagan holda 3-o‘rinda bormoqda. “Inter” hisobida esa 50 ochko mavjud va jamoa 4-pog‘onadan joy egallagan.
27-turdan so‘ng musobaqa jadvalidagi holat:
A Seriya
28-tur bahslari
15-mart, juma
“Kalyari”—“Fiorentina” 2:1
Gollar: 1:0 – 52 Joao Pedro, 2:0 – 66 Cheppitelli, 2:1 – 88 Kyeza.16-mart, shanba
“Sassuolo”—“Sampdoriya” 19:00
SPAL—“Roma” 22:00
“Torino”—“Bolonya” 00:30
17-mart, yakshanba“Jenoa”—“Yuventus” 16:30
“Atalanta”—“Kyevo” 19:00
“Empoli”—“Frozinone” 19:00
“Latsio”—“Parma” 19:00
“Napoli”—“Udineze” 22:00
“Milan”—“Inter” 00:30
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)