14-mart kuni O‘zbekistonning Kuvaytdagi elchisi Bahrom A’loyev Quvayt arab iqtisodiy rivojlanish fondi (KAIRF)ning Markaziy Osiyo va Yevropa bo‘yicha mintaqaviy menejeri Favaz al-Adsaniy bilan uchrashdi. Bu haqda TIV matbuot xizmati xabar berdi.
Suhbat chog‘ida O‘zbekiston va KAIRF o‘rtasidagi moliyaviy-texnik hamkorlikni yanada rivojlantirish masalasi muhokama qilindi.
Favaz al-Adsani ta’kidlashicha, 2019-yil 10-martdagi 2017—2019-yillar uchun imtiyozli kredit ajratish to‘g‘risidagi O‘zbekiston hukumati va KAIRF o‘rtasidagi o‘zaro anglashinuv memorandumiga ko‘ra, Fond rahbarlari kengashi 30 million dollar miqdorida ikkinchi imtiyozli kreditlar berilishini tasdiqladi.
Ushbu mablag‘lar O‘zbekistonda qishloq joylarda yakka tartibdagi uy-joy qurish Dasturiga kiritilgan infratuzilma loyihalarini moliyalashtirish uchun sarflanadi.
Muzokaralar yakunida O‘zbekiston hukumati va KAIRF o‘rtasidagi 2020—2022-yillarda mamlakatdagi ijtimoiy loyihalarni moliyalash uchun imtiyozli kreditlar berish bo‘yicha navbatdagi memorandumni hamkorlikda tayyorlashga kelishilgan.
Hozirda Kuvayt jamg‘armasi mutaxassislarining joriy yilning ikkinchi yarmida imzolanishi rejalashtirilgan kredit bitimini tayyorlash uchun O‘zbekistonga tashrif buyurishi kutilmoqda.
Izoh (0)