Rossiyalik harbiylar yadroviy qurollardan foydalanish imkoniyatini ko‘rib chiqmoqda, deb xabar berdi ForumDaily.

Foto: Depositphotos

Bu haqda AQSh Qurolli kuchlar bo‘yicha vakillar palatasiga NATO birlashgan qurolli kuchlarining Yevropadagi bosh qo‘mondoni general Kyortis Skaparotti ma’lum qilgan.

Pentagonning fikricha, Rossiya chegaralangan harbiy ziddiyatlarda AQSh qo‘shinlari aralashmasidan oldin “zaif qo‘shnilar ustidan tezroq g‘alaba qozonish” maqsadida yadro qurolidan foydalanishi mumkin.

“Rossiyaning eskalatsiya (kuchayish)sidan maqsad ustunlikka erishishdir. Agar ularning bugungi kundagi qurollanish tizimiga e’tibor bersangiz, ulardan qanday qilib aynan shu maqsadda ma’lum bir eskalatsiyada foydalanish mumkinligini ko‘rasiz. Menimcha, ular haqiqatan ham shu maqsadda ishlab chiqilgan”, — deb ta’kidlagan general.

Skaparottining so‘zlariga ko‘ra, Rossiya ikki minglab nostrategik yadro qurollari tizimi Moskvaga ulardan birinchi bo‘lib cheklangan holda foydalanish, inqiroz va nisbatan past darajadagi ziddiyatlarda Rossiyaga ustunlik beradi, degan yanglish fikrni qo‘llab-quvvatlaydi.

AQSh Mudofaa vaziriligining xalqaro xavfsizlik bo‘yicha boshqarma boshlig‘i o‘rinbosari Ketrin Uilbarjer ham uning fikriga qo‘shilgan.

Uilbarjerning ta’kidlashicha, agar haqiqatan ham shunday bo‘lib chiqsa, AQSh ziddiyatni eskalatsiya qilishda ishtirok etishiga to‘g‘ri keladi.

Avvalroq, Rossiyaning AQShdagi elchisi Anatoliy Antonov Moskva mahalliy mojarolarni bostirishda yadro qurolidan foydalanmasligini, ulardan mamlakatga jiddiy tahdid bo‘lgan taqdirdagini foydalanilishini aytgan.

“Bizning harbiy doktarinamizda qanday holatlarda yadro qurolidan foydalanilishi qat’iy belgilab qo‘yilgan”, — degan u.