AQSh va Hindiston strategik muloqot chog‘ida tinch atom bo‘yicha hamkorlik masalalarini muhokama qildi hamda Hindistonning oltita hududida Amerika atom elektr stansiyalarini qurish rejasini tasdiqladi, deya xabar beradi “Interfaks”.

Foto: “Yujniy Federalniy”

“Tomonlar atom energiyasi xavfsizligi va fuqarolikdan foydalanish sohasidagi ikki tomonlama hamkorlikni, shu jumladan, Hindistondagi oltita atom stansiyasini qurishni o‘z zimmasiga olganligini tasdiqladi”, — deyiladi xabarda.

Ular shuningdek “global xavfsizlik masalalari, ommaviy qirg‘in qurollarini va ularni yetkazib berish vositalarini tarqatmaslik, terroristik va nodavlat tuzilmalari qo‘liga tushishning oldini olish masalalari yuzasidan fikr almashdi”, — dedi AQSh Davlat departamenti.

Strategik muloqot 13-mart kuni Vashingtonda bo‘lib o‘tdi.