Shimoliy Koreya OAVlarining yozishicha, AQSh Pxenyanning sanksiyalarni qisman bekor qilish taklifini qabul qilishi lozim. Evaziga Yonbendagi Shimoliy Koreya yadro obyektlari demontaj qilinadi, deb yozadi “Interfaks”.

Foto: Google Images

“Biz taklif qilgan yadrodan holi qilish bo‘yicha qadamlar va shunga muvofiq sanksiyalarni yumshatish to‘g‘rsidagi talablar AQSh hukumati pozitsiyasi va talabini yetarlicha aks ettirgan. Bundan yaxshiroq yo‘l bo‘lishi mumkin emas”, — deyiladi Shimoliy Koreya OAVlarida chop etilgan maqolada.

Qayd etilishicha, Xanoyda bo‘lib o‘tgan sammit Shimoliy Koreyaga jahon hamjamiyatining qarama-qarshilikni tugatish bo‘yicha talabini bajarishda qat’iyatni namoyish etish uchun imkoniyat bo‘lgan.

“Biz yadrodan butunlay holi etish borasidagi o‘z pozitsiyamizda mustahkam qolamiz”, — deb ta’kidlangan maqolada.

Shu bilan birga, Shimoliy Koreyaning The Rodong Sinmun rasmiy gazetasi mamlakat aholisini o‘z-o‘zini ta’minlash va modernizatsiya qilishga e’tiborini qaratishga chaqirgan.

2018-yilning may oyida Shimoliy Koreya chet ellik jurnalistlar ishtirokida Pungeri yadro poligonini yo‘q qilgan. Pungeri Shimoliy Koreyadagi yirik yadro poligoni bo‘lgan.

Yonben Shimoliy Koreyadagi 1964-yilda tashkil etilgan yirik yadro obyekt. AQSh va Shimoliy Koreyaning ikkinchi sammiti yakunida Shimoliy Koreya tomoni Pxenyanning xalqaro sanksiyalarni qisman olib tashlash evaziga Yonbendagi yadroviy obyektlarni butunlay yopib qo‘yishga tayyor ekanini ma’lum qilgan. Biroq sammitda hech qanday kelishuvga erishilmagan.