Kreml qo‘shni davlatlardan imkon boricha ko‘proq odamning Rossiyaga ko‘chishini ta’minlashga qaratilgan institutsional infratuzilmani ishlab chiqdi. Bu haqda “Kommersant” gazetasiga tayanib, “Podrobno.uz” xabar bermoqda.
Bundan 5—10 million kishini yangi rossiyaliklarga aylantirish maqsadi ko‘zlanmoqda. Donorlar sifatida rus tilida so‘zlashuvchi aholisi ko‘p bo‘lgan mamlakatlar — Ukraina, Qozog‘iston, O‘zbekiston va Moldaviya ko‘rib chiqilmoqda.
Kreml davlat migratsiya siyosatining 2019—2025-yilgi yangi konsepsiyasini amalga oshirish bilan shug‘ullanuvchi tuzilmalarni tashkil etishni yakunladi. Vladimir Putin 6-mart kuni konsepsiyani amalga oshirish bo‘yicha ishchi guruhni tashkil etish haqidagi farmonni imzoladi.
Migratsiya siyosati bilan bog‘liq barcha ishlar turli vazirliklar, idoralarning mansabdorlari va Davlat dumasining deputatlaridan iborat 24 kishilik ishchi guruh orqali amalga oshiriladi.
Izoh (0)