O‘zbekiston Milliy Olimpiya qo‘mitasi, O‘zbekiston futbol federatsiyasi sobiq raisi Mirabror Usmonov 12-mart kuni reanimatsiya bo‘limiga olib ketilgan. Bu ma’lumotni “Daryo”ga Sog‘liqni saqlash tizimidagi manbalari tasdiqladi.
Mirabror Usmonov o‘pka va nafas yo‘llari bilan bog‘liq xastalik sabab klinikaga keltirilgan. Hozirda uning ahvoli og‘ir va shifokorlar uning hayotini saqlab qolish uchun kurashmoqda.
Mirabror Usmonov 2006-yildan 2017-yilgacha O‘zbekiston futbol federatsiyasini boshqargan edi. 2013-yildan 2017-yilgacha Milliy Olimpiya qo‘mitasi raisi bo‘lgan.
Izoh (0)