Internet tarmog‘ida Nexia avtomobilining (davlat raqami 40 P 143 NA) haydovchisi kapotida YPX inspektori bilan ko‘cha bo‘ylab harakatlanayotgani aks etgan video tarqalgan edi.
Haydovchi Farg‘ona viloyatida yashovchi 21 yoshli T.D. bo‘lib, u bir nechta yo‘l harakati qoidasini (“To‘xtash taqiqlangan” va “To‘g‘ri yo‘l” belgilarida ko‘zda tutilgan) buzgani holda YPX inspektorining to‘xtash haqidagi talabiga bo‘ysunmasdan, harakatlanishda davom etgan.
“Sevimli” telekanalining “Zamon” informatsion-tahliliy dasturida ma’lum qilinishicha, hozirda qoidabuzarga nisbatan prokuratura organlari tomonidan jinoyat ishi qo‘zg‘atish masalasi ko‘rib chiqilmoqda.
Izoh (0)