Uzbekistan Airways Milliy aviakompaniyasining xarajatlari Pokiston havo qatnovining yopilishi oqibatida ikki baravar oshdi, deb xabar berdi “Gazeta.uz”.
27-fevraldan boshlab Pokiston fuqarolik aviatsiyasi boshqarmasi qaroriga ko‘ra Hindiston—Pokiston kelishmovchiligining kuchayishi oqibatida mamlakat havo hududi 12-martgacha barcha tranzit reyslari uchun yopilgan edi.
Shu sababli Uzbekistan Airways Hindiston (Deli, Amritsar, Mumbay)ga, shuningdek, Janubi-Sharqiy Osiyo shaharlari (Bangkok, Kuala-Lumpur, Singapur)ga borishi uchun Pokiston havo hududini aylanib o‘tib, Turkmaniston va Eron orqali borishga majbur bo‘lmoqda. Oqibatda parvoz vaqti uzayib, yo‘l uchun sarflanadigan yoqilg‘i xarajati ham ortgan.
Xabarda aytilishicha, Uzbekistan Airways agar Pokiston havo hududi bundan keyin ham yopiq qolsa, aviachiptalar narxini qayta ko‘rib chiqishga to‘g‘ri kelishini ma’lum qilgan.
Shuningdek, MAK yuzaga kelgan vaziyat sababli boshqa mamlakatlar kabi ushbu yo‘nalishlar bo‘yicha parvozlarni bekor qilmaganini ta’kidlagan.
Izoh (0)