Venesuela Axborot vaziri Xorxe Rodriges Venesuela tarixidagi elektr energiyasining eng katta ommaviy o‘chirilishiga kiberhujum sabab bo‘lganini ma’lum qildi, deb yozadi “Interfaks”.

Foto: Reuters

U Venesuela televideniyasidagi efirda hujum, aftidan, AQSh tomonidan sodir etilganini aytgan. “Hujum ‘Guri’ GESning avtomatlashtirilgan tizimiga yo‘naltirilgan”, — deb ta’kidlagan vazir.

Uning aytishicha, tizim elektroenergiya ishlab chiqarilishini nazorat qiladi. Kiber hujum va xakerlar tizimni nazorat qilishga urinayotgani ma’lum bo‘lgach, GES xavfsizlik nuqtai nazaridan ishlashni to‘xtatgan. Bu esa Rodrigesning so‘zlariga ko‘ra, deyarli butun mamlakatning elektroenergiyasiz qolishiga olib kelgan.