O‘zbekistonda 2018-yil davomida 9 nafar advokatga nisbatan jinoiy ish qo‘zg‘atilgan bo‘lib, sud hukmi bilan jinoiy javobgarlikka tortilganlar soni ham 9 nafarni tashkil etdi. Bu haqda advokatlar palatasiga tayanib, UzNews xabar bermoqda.
Hududlar kesimida olganda, Toshkent shahri va Namangan viloyatida ikki nafardan advokat jinoiy javobgarlikka tortilgan. Andijon, Qashqadaryo, Samarqand, Farg‘ona viloyatlari va Qoraqalpog‘iston Respublikasida esa bunday holat bittadan qayd etilgan.
Shuningdek, Advokatlar palatasining Samarqand viloyat hududiy boshqarmasi boshlig‘i Otabek Axtamov 12 ming AQSh dollari pora olayotganlikda gumon qilinib 2018-yilning 3-sentabr kuni DXX xodimlari tomonidan ushlangandi.
Ma’lumot uchun, jinoiy javobgarlikka tortilgan advokatlar soni 2017-yilda 29, 2016-yilda esa 32 nafarni tashkil etgan. Eng katta raqamlar Toshkent shahri (tegishli ravishda 9 va 10 nafar) hamda Samarqand viloyati (2 va 5 nafar) hissasiga to‘g‘ri kelgan.
Izoh (0)