Eronlik xakerlar butun dunyo bo‘ylab 200 ta kompaniyaga hujum qildi

So‘nggi ikki yilda dunyodagi 200dan ortiq kompaniya Eron hukumati bilan aloqadorlikda gumon qilingan bir guruh xakerlar hujumiga uchragan. Bu haqda “Korrespondent” xabar berdi.

Qayd etilishicha, jinoyatchilarning qurbonlari asosan neft va gaz kompaniyalari, mashinasozlik korxonalari, shuningdek Germaniya, Saudiya Arabistoni, Buyuk Britaniya, Hindiston va AQShda xalqaro biznes bilan shug‘ullanadigan mamlakatlar bo‘lgan.

Microsoft korporatsiyasi bergan ma’lumotlarga ko‘ra, kiberjinoyatchilar yuz millionlab dollar zarar yetkazgan.

Korporatsiya ekspertlarining fikricha, hujumlarning orqasida Eron hukumati bilan aloqador Holmium xaker guruhi turibdi.