Joriy yilning aprel oyida Missisipi gubernatori savdo missiyasi bilan O‘zbekistonga tashrif buyurishi rejalashtirilmoqda, deb xabar berdi Spot.
Xabarda aytilishicha, Missisipi shtati gubernatori Fil Braynt 1992-yilda mamlakatlar o‘rtasidagi diplomatik aloqalar o‘rnatilganidan beri O‘zbekistonga ilk bor tashrif buyurgan Amerika shtati rahbari bo‘ladi.
Braynning aprel oyida tashrifidan so‘ng may oyida ikki davlat rahbarining tarixiy uchrashuvi bo‘lib o‘tadi. O‘tgan yildayoq AQSh va O‘zbekiston kompaniyalari o‘rtasida bir necha milliard dollarlik shartnomalar imzolangan.
Qayd etilishicha, gubernator “quruq qo‘l bilan” kelmaydi. U Missisipining yetakchi kompaniyalari rahbarlaridan iborat, jumladan, Amerikaning eng yirik oziq-ovqat mahsulotlari ishlab chiqaruvchi kompaniya — Uncle Ben’s zavodi savdo delegatsiyasiga boshchilik qilishi rejalashtirilmoqda.
Uncle Ben’s — tezpishar guruch va u bilan bog‘liq oziq-ovqat mahsulotlari brendi. Shuningdek, konservalangan sous, ketchuplar bilan ham mashhur. Twix, Bounty, Orbit va boshqa ko‘plab mahsulotlar ishlab chiqaruvchi Mars korporatsiyasiga qarashli.
Izoh (0)