Professional boksning super yengil (-63,5 kg) vazn toifasi vakili Shohjahon Ergashevga (16 ta g‘alaba, 14 ta nokaut) O‘zbekiston professional boks federatsiyasi tomonidan so‘nggi rusumdagi Chevrolet Malibu avtomobili sovg‘a qilingan. Bu haqda GoSport xabar berdi.
Ma’lumotlarga ko‘ra, federatsiya rahbari Isroil Yunusov Shohjahon Ergashevning so‘nggi jangidagi g‘alabasiga mukofot sifatida avtomobilni taqdim etgan. Agar Shohjahon chempionlik kamarini qo‘lga kiritadigan bo‘lsa, unga beriladigan sovrin yanada katta bo‘lishi va’da qilingan.
Eslatib o‘tamiz, Shohjahon Ergashev fevral oyida amerikalik Maykal Foksga (19 ta g‘alaba, 1 ta maglubiyat, 5 ta nokaut) qarshi kechgan jangda ochkolar evaziga g‘alaba qozongandi.
Ma’lumot uchun, 1-mart kuni e’lon qilingan WBA reytingida Ergashev bir pog‘ona yuqorilab, 4-o‘rindan joy olgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)