Korrupsiya uchun jazo muddatini o‘tayotgan Braziliyaning sobiq prezidenti Luis Inasiu Lula da Silva nevarasining o‘limi sababli qamoqdan vaqtincha ozod etilishi mumkin. Bu haqda “RIA Novosti” xabar berdi.
Uning olti nevarasidan biri yetti yoshli Atur Araujo Lula da Silva meningit kasalligi oqibatida vafot etgan. Sobiq prezident dafn marosimida ishtirok etish uchun ruxsat so‘ragan va uning so‘rovi qanoatlantirilgan.
Bir oy avval mahbusga uning vafot etgan akasi bilan xayrlashishga ruxsat berilmagan edi. Unda sud sobiq prezidentga faqat dafn marosimidan keyingi oilaviy uchrashuvda ishtirok etishga ruxsat bergan, u esa turmada qolishni tanlagan.
Lula da Silva o‘tgan yilning aprelida korrupsiya ishi bo‘yicha qamoq jazosini o‘tash uchun Kuritiba shahriga yetkazilgan. U 2018-yilning yanvar oyida 12 yil-u bir oyga qamoq jazosiga hukm qilingan.
Izoh (0)