APL. “Tottenhem” bugun “Arsenal”ni mehmon qiladi, “Manchester Siti” esa “Bornmut” maydoniga safar qiladi
2-mart, shanba kuni futbol bo‘yicha Angliya premyer ligasining 29-tur bahslari boshlanadi.
Turning dastlabki o‘yini “Uembli” stadionida bo‘lib o‘tadi. Unda Londonning ikki klubi “Tottenhem” hamda “Arsenal” to‘qnash keladi. O‘yinga Toshkent vaqti bilan 17:30 da start beriladi.
Ma’lumot uchun, “shporlar” 60 ochko to‘plagan holda musobaqa jadvalida 3-o‘rinda bormoqda. “To‘pchilar” esa 56 ochko bilan 4-pog‘onani band qilgan.
Xosep Gvardiola qo‘l ostidagi “Manchester Siti” klubi safarda “Bornmut” jamoasini sinovdan o‘tkazadi.
Shu kuni Ole-Gunnar Sulsher boshliq “Manchester Yunayted” esa o‘z maydonida “Sauthempton”ni qabul qiladi. Ikkala bellashuv ham 20:00 da boshlanadi.
3-mart, yakshanba kuni Londonning boshqa bir klubi “Chelsi” mehmonda “Fulhem” bilan kurash olib boradi. Uchrashuv 19:05 da boshlanishi belgilangan.
Turning so‘nggi o‘yinida musobaqa jadvalida yetakchilik qilayotgan Yurgen Klopp boshliq “Liverpul” “Everton”ga qarshi maydonga tushadi. Bahsga soat 21:15 da start beriladi.
28-turdan so‘ng musobaqa jadvalidagi holat:
APL
29-tur bahslari
2-mart, shanba
“Tottenhem”—“Arsenal” 17:30
“Vulverhempton”—“Kardiff” 20:00
“Bornmut”—“Manchester Siti” 20:00
“Manchester Yunayted”—“Sauthempton” 20:00
“Byornli”—“Kristal Pelas” 20:00
“Byorton”—“Haddersfild” 20:00
“Vest Hem”—“Nyukasl” 22:30
3-mart, yakshanba“Uotford”—“Lester” 17:00
“Fulhem”—“Chelsi” 19:05
“Everton”—“Liverpul” 21:15
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
