Qashqadaryo aholisining 46,8 foizi tashib keltirilgan suvni iste’mol qiladi

Oliy Majlis Senatining o‘n sakkizinchi yalpi majlisida Qashqadaryo viloyati hokimining hududlarni rivojlantirish hamda xalq deputatlari mahalliy Kengashlari faoliyati haqidagi hisoboti tinglandi, deb yozadi O‘zA

Ijtimoiy soha infratuzilmasini yanada rivojlantirish bo‘yicha 937,6 milliard so‘mlik ishlar amalga oshirilgan.

Qashqadaryo viloyatida 3195,5 ming nafar aholi istiqomat qilib, shundan 1730,8 ming nafari (54,2 foizi) markazlashgan ichimlik suvi bilan ta’minlangan. Qolgan aholi (daryo, buloq, kachalka va avtoulovlar orqali) tashib keltirish yo‘li bilan ta’minlanib kelinmoqda.

Biroq, hududdagi “Suvoqava” davlat unitar korxonasi hisobida jami 275 suv inshootlari mavjud bo‘lib, shulardan 70 tasi ta’mirtalabligi sababli foydalanilmay kelinmoqda. Viloyatda jami 6 ming 571 kilometr suv tarmog‘i mavjud bo‘lib, ularning 62,2 foizi ta’mirtalab ahvolda.

Qashqadaryo viloyati hokimi Zafar Ro‘ziyev hududdagi umumta’lim maktablarida kimyo, biologiya, fizika laboratoriyalari, chet tili va informatika hamda mehnat xonalari uchun maxsus jihozlar (komplekt) zarurligini qayd etdi. Shuningdek, viloyatdagi 1 min 117 maktabdan 718 tasi so‘nggi 5 yilda ta’mirlanmagan.

Yalpi majlisda bu boradagi qilinishi zarur bo‘lgan ishlarni kelgusida tizimli ravishda amalga oshirilishi ta’kidlandi.